Monday, October 23, 2017

KONGAMANO LA MAADHIMISHO YA SIKU YA CHAKULA LAFANA MKOANI GEITA


Mkuu wa Mkoa wa Geita Meja Jenerali Mstaafu Ezekiel Kyunga akizungumza wakati wa kongamano katika maadhimisho ya siku ya Chakula ambayo Kitaifa yanafanyika Mkoani Geita.
Baadhi ya washiriki wa Kongamano la maadhimisho ya siku ya Chakula ambayo Kitaifa yanafanyika Mkoani Geita wakifatilia kwa makini mada mbalimbali zikiwasilishwa.
Mkuu wa Mkoa wa Geita Meja Jenerali Mstaafu Ezekiel Kyunga akizungumza wakati wa kongamano katika maadhimisho ya siku ya Chakula ambayo Kitaifa yanafanyika Mkoani Geita.
Mchambuzi na mshauri wa sera katika Wizara ya kilimo Ndg Revelian Ngaiza Akiwasilisha mada kuhusu mchango wa sera za kilimo katika mageuzi ya uchumi wa viwanda wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.
Meneja wa Muendelezo wa wakulima wadogo TADB Ndg Joseph Mabula Akiwasilisha mada kuhusu Mikopo nafuu kwa mapinduzi ya kilimo na viwanda wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.
Afisa uendeshaji Mwandamizi Utoaji Mikopo na kudai madeni Kutoka Mfuko wa Pembejeo Ndg Joshua Kalab akiwasilisha mada kuhusu Mchango wa mfuko wa pembejeo katika kuongeza uzalishaji wa chakula, kupambana na njaa na kupunguza umasikini hususani vijijini wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.
Kaimu Mkuu wa Kitengo cha Mawasiliano serikalini kutoka Wizara ya Kilimo Ndg Issa Sabuni akichangia mada wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.
Katibu wa Chama cha Biashara Tanzania Mkoa wa Kagera (TWCC) Bi Paskazia Sebastian akichangia mada wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.
Afisa Mfawidhi kutoka Taasisi ya udhibiti wa mbegu TOSCI Mkoa wa Mwanza Ndg Ngura Joseph Akiwasilisha mada kuhusu Mchango wa mbegu bora katika usalama wa chakula wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.


Afisa Kilimo Mkuu kutoka Wizara ya kilimo Bi Mwanaid Kiya Akiwasilisha mada kuhusu Sumu kuvu kwenye mahindi: Madhara katika sekta ya kilimo, Biashara na afya ya binadamu wakati wa kongamano la maadhimisho ya siku ya Chakula Duniani ambayo Kitaifa yanafanyika Mkoani Geita.

Zikiwa zimesalia siku mbili kufikia kilele cha maadhimisho ya siku ya chakula Duniani ambapo maadhimisho hayo huanza Octoba 10 kila mwaka na kufikia ukomo Octoba 16, wadau mbalimbali kutoka sekta ya kilimo na nyinginezo wameshiriki Kongamano la Maadhimisho ya chakula lililofanyika katika Ukumbi wa Halmashauri ya Wilaya ya Geita.

Katika kongamano hilo Mkuu wa Mkoa wa Geita Meja Jenerali Mstaafu Ezekiel Kyunga aliwasisitiza wataalamu wa kilimo kuwasaidia wakulima nchini ili kuongeza ufanisi katika kilimo kutoka katika kilimo kwa ajili ya chakula pekee badala yake na kuwa na kilimo tija kwa ajili ya chakula na biashara. 

Alisema kuwa ili kuongeza ufanisi na kukuza soko la mazao ya chakula na biashara nchini watanzania wanatakiwa Kuwa wazalendo na kupenda vyakula vitokanavyo na mazao mbalimbali yanayozalishwa nchini. 

Mkuu huyo wa Mkoa wa Geita aliwapongeza wadau mbalimbali walioshiriki katika Kongamano hilo ambao ni Wizara ya Kilimo, Wizara ya Mifugo na Uvuvi, Vikundi vya wajasiriamali, Makampuni ya simu, na Shirika la umeme Tanzania TANESCO ambapo alisema kuwa imani yake kuwa kongamano hilo litaibua chachu katika uzalishaji wa kilimo na uhifadhi bora wa chakula.

Alisema kuwa umuhimu wa kongamano hilo unaakisi Kaulimbiu ya maadhimisho ya Chakula duniani kwa mwaka 2017 isemayo Badili mwelekeo wa uhamaji; Wekeza katika usalama wa chakula na maendeleo Vijijiniikiwa ni sehemu ya ubashiri wa kutokea mzozo mkubwa wa chakula.

Alisema jukumu muhimu la kilimo cha familia katika kuangamiza njaa na umaskini ni kuhakikisha kuna usalama wa upatikanaji wa chakula na lishe bora, kuboresha kipato, kusimamia vyema rasilimali, kuyalinda mazingira na kufanikisha maendeleo endelevu, hususani katika maeneo ya mikoani.

Katika Kongamano hilo mada mbalimbali ziliwasilishwa ikiwemo Mada ya Mchango wa sera ya kilimo katika magaezi ya uchumi wa viwanda, Mikopo nafuu kwa mapinduzi ya kilimo na viwanda, Mchango wa mfuko wa pembejeo katika kuongeza uzalishaji wa chakula, kupambana na njaa na kupunguza umasikini hususani vijijini.

Mada zingine rafiki katika kongamano hilo ni pamoja na Mchango wa mbegu bora katika usalama wa chakula, Umuhimu wa kilimo cha mazao ya mizizi kwa kuboresha lishe na kipato cha jamii, sumu Kuvu kwenye mahindi (Madhara katika sekta ya kilimo, Biashara na afya ya binadamu), Msingi wa uhuru wa kiuchumi na Tanzania ya Viwanda sambamba na Ufugaji nyuki unaoongeza mavunoya asali na kipato katika kaya.

Akiwasilisha mada kuhusu mchango wa sera za kilimo katika mageuzi ya uchumi wa viwanda Mchambuzi na mshauri wa sera kutoka Wizara ya kilimo Ndg Revelian Ngaiza Alisema kuwa Sera ya Taifa ya kushajiisha uwekezaji ya mwaka 1996 na Sheria ya uwekezaji ya mwaka 1997 imeiweka sekta ya kilimo kama sekta kiongozi katika uchumi hivyo Sekta hiyo imeendelea kuwa uti wa mgongo katika kukuza uchumi kwa kipindi cha kati na cha muda mrefu.

Alisema kuwa SerĂ¡ ya Taifa ya kilimo ya mwaka 2013 ilidhamiria Kuwezesha kuwepo mabadiliko ya sekta ya kilimo kuwa kilimo cha kisasa, kibiashara na sekta yenye ushindani ili kuhakikisha usalama wa chakula na upunguzaji wa umaskini kutokana na ongezeko la uzalishaji wa mazao yenye ubora.

Aliendelea kusema  kuwa katika Serikali ya Awamu ya tano kumekuwa na mikakati na programu mbalimbali ambazo zimetekelezwa na kuchangia kikamilifu katika kukuza kilimo na hifadhi ya jamii.  Alitaja programu na mikakati ambayo ni Mkakati wa Kuendeleza Sekta ya Kilimo (ASDS) wa mwaka 2002; na Programu ya Kuendeleza Sekta ya Kilimo (ASDP II) ya mwaka 2006.

Ngaiza alisema Mabadiliko ya ukuaji wa sekta ya kilimo hadi kufikia kuchangia kwa kiasi kinacho ridhisha katika ukuaji wa uchumi wa Viwanda na upunguzaji wa umaskini bado kunahitajika juhudi za kila mdau miongoni mwao ni Serikali, wakulima, sekta binafsi, wanataalum n.k ili kutimiza azma hiyo.

Maadhimisho ya Kilele cha Siku ya Chakula Duniani hapa nchini Tanzania Kitaifa yatafikia ukomo tarehe 16 Oktoba 2017 katika Viwanja vya CCM Kalangalala, ambapo mgeni rasmi atakuwa Waziri wa Kilimo, Mheshimiwa Dkt Charles Tizeba. 

Maadhimisho ya kwanza ya siku hii yalianza mwaka 1981. Hivyo maadhimisho ya mwaka huu ni ya 36 na yanasherehekewa kwa pamoja na maadhimisho ya  miaka 72 ya kuanzishwa kwa FAO tarehe 16 Oktoba, 1945.

MWISHO

Sunday, October 22, 2017

Maadhimisho ya siku ya Chakula Duniani ambayo Kitaifa yanafanyika Katika VIwanja vya CCM Kalangalala Mkoani Geita.



Waziri wa Kilimo Mhe Dkt Charles John Tizeba




Viongozi wa serikali, Taasisi binafsi, Wadau wa kilimo, Mifugo na Uvuvi na Wananchi kwa ujumla wake wameombwa kushiriki kikamilifu katika Maadhimisho ya siku ya Chakula Duniani ambayo Kitaifa yanafanyika Katika VIwanja vya CCM Kalangalala Mkoani Geita.

Msisitizo huo umejikita zaidi kwa wananchi wote ambapo umuhimu zaidi umeelekezwa Kwa wakazi wa Mkoa wa Geita na mikoa jirani ukiwemo mkoa wa Mwanza, na Kagera ili kujionea Maonyesho ya kazi mbalimbali zinazolenga kuongeza uzalishaji, tija na upatikanaji wa chakula na usindikaji wa mazao ya kilimo, ufugaji na uvuvi.

Kusikiliza Nyimbo, ngonjera, mashairi na ngoma za asili zinazohamasisha uzalishaji na upatikanaji wa chakula sambamba na Kupata elimu juu ya hifadhi ya mazingira – udongo, maji na viumbe hai.

Akizungumza na waandidhi wa habari Ofisini kwake Jijini Dar es salaam Waziri wa Kilimo Mhe Dkt Charles John Tizeba alisema kuwa maadhimisho hayo ya wiki ya chakula ambayo hufanyika kuanzi Octoba 10 mpaka Octoba 16 kila mwaka huwa na dhamira ya Kuwawezesha Wakulima, Wafugaji na Wavuvi kujifunza teknolojia sahihi za kuongeza uzalishaji na tija katika Sekta za Kilimo, Mifugo na Uvuvi kwa lengo la kupata chakula bora na cha kutosha kwa kila mtu na kwa wakati wote.

Alisema ni njia mojawapo kwa wakulima kupata utambuzi wa Kuongeza jitihada na mbinu za kutokomeza njaa, utapiamlo na hatimaye kuondoa umaskini, Kufahamu mikakati thabiti inayoainishwa ya kuhakikisha kila mtu anapata chakula bora na cha kutosha wakati wote, na Wataalamu mbalimbali wa kilimo kuwaelimissha Wananchi ili kuondokana na mila potofu zinazozuia baadhi ya jamii kula aina fulani za vyakula, kwa mfano kutokula mayai kwa akina mama wajawazito.

Dkt Tizeba alizitaja faida zingine za maonesho hayo kuwa ni pamoja na Kuimarisha Ushirikiano wa Kitaifa na Kimataifa katika masuala ya kukuza na kuendeleza kilimo, ufugaji na uvuvi, ikiwa ni pamoja na Kuelezea kihistoria, nafasi ya mila na utamaduni katika kuendeleza sekta za kilimo, ufugaji na uvuvi kwa lengo la kuongeza tija na uzalishaji.

Alisema kuwa Kila mwaka Makao Makuu ya FAO huchagua Kaulimbiu ambayo huwa ndiyo dira ya kuhamasisha wadau wote wa sekta ya kilimo kuchangia katika kuhakikisha kila mtu anawezeshwa kupata chakula bora na cha kutosha wakati wote wa maisha yake.

Kaulimbiu ya mwaka huu inasema Badili mwelekeo wa uhamaji; Wekeza katika usalama wa chakula na maendeleo Vijijini”.

Kaulimbiu hii inaweka umuhimu katika kuweka Mipango na Programu zinazolenga kuongeza tija na uzalishaji wa mazao ya kilimo na mifugo Vijijini; kupuza utegemezi na kuongeza usawa katika Jamii, sambamba na uhifadhi mazingira ambayo ndiyo muhimu katika maendeleo ya kilimo na hifadhi ya Jamii ili yachochee jitihada za kuondoa umaskini kwa kutumia nguvukazi ya Rasilimali Watu hususani  Vijana ambayo imekuwa ikihamia Mijini kwa lengo la kujitafutia mahitaji ya muhimu na mazingira bora.

Chimbuko la Siku ya chakula ni Mkutano wa mwaka 1979 ambapo nchi wanachama wa FAO zilikutana Jijini Quebec nchini Canada na kujadili kiundani masuala mbalimbali kuhusu chakula. Mojawapo ya maazimio ya mkutano huo ilikuwa kutenga siku moja ya kila mwaka ili kuzungumzia na kutafakari njia na mbinu mbalimbali za kupata chakula cha kutosha kwa watu wote duniani na kwa wakati wote.

Maadhimisho ya kwanza ya siku hii yalianza mwaka 1981. Hivyo maadhimisho ya mwaka huu ni ya 36 na yanasherehekewa kwa pamoja na maadhimisho ya  miaka 72 ya kuanzishwa kwa FAO tarehe 16 Oktoba, 1945.

MWISHO
KAWAID
Naibu Waziri wa Kilimo Mhe Dkt Mary Mwanjelwa akisikiliza maelezo kuhusu namna ya kuikabili Sumu Kuvu kutoka kwa Msaidizi wa Mawasiliano wa Utafiti katika Taasisi ya Kimataifa ya Kilimo ukanda wa Kitropiki (IITA) nchini Tanzania Bi Eveline Massam wakati alipotembelea Banda la Taasisi hiyo wakati wa maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.
Naibu Waziri wa Kilimo Mhe Dkt Mary Mwanjelwa akipokea zawadi ya Boga kutoka kwa Afisa Kilimo wa Halmashauri ya Wilaya ya Bukombe mara baada ya kutembelea Banda la Taasisi hiyo wakati wa maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.
Afisa habari na Uelimishaji Jamii kutoka Mamkaka ya Chakula na Dawa Bi Robert Feruzi (Kulia) akimuelezea Naibu Waziri wa Kilimo Mhe Dkt Mary Mwanjelwa jinsi Mamlaka hiyo inavyofanya kazi wakati alipotembelea Banda la Taasisi hiyo kwenye maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.
Meneja Mwendeshaji wakulima wadogo kutoka Benki ya wakulima (TADB) Ndg Joseph Mabula (Kulia) akimuelezea Naibu Waziri wa Kilimo Mhe Dkt Mary Mwanjelwa (KUshoto) jinsi inavyofanya kazi wakati alipotembelea Banda la Benki hiyo hiyo kwenye maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.
Naibu Waziri wa Kilimo Mhe Dkt Mary Mwanjelwa akionyesha Mvinyo uliotengenezwa na wajasiriamali wadogo wakati alipokuwa akitembelea mabanda mbalimbali kwenye maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.
Naibu Waziri wa Kilimo Mhe Dkt Mary Mwanjelwa akikagua mashine mbalimbali katika Banda la kampuni ya POLY MACHINERY CO.LTD kwenye maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.

Naibu Waziri wa Kilimo Mhe Dkt Mary Mwanjelwa akikagua baadhi ya vyakula vilivyohifadhiwa kwenye vifungashio kwenye maadhimisho ya siku ya chakula Duniani ambayo Kitaifa yanafanyika katika uwanja wa CCM Kalangalala Mkoani Geita.

Na Mathias Canal, Geita

Naibu Waziri wa Kilimo Mhe Dkt Mary Mwanjelwa ameishauri Taasisi ya Kimataifa ya Utafiti wa Kilimo ukanda wa Kitropiki (IITA) kuongeza kasi ya utoaji elimu kwa wakulima nchini kuhusu kadhia ya Sumu Kuvu.

Alisema kuwa elimu hiyo inatakiwa kutolewa katika maeneo mbalimbali nchini ili wananchi waweze kutambua namna bora katika uandaaji wa mashamba wakati wa msimu wa kilimo ikiwa ni pamoja na kuhakikisha mashamba hayashambuliwi na magugu wala wadudu waharibifu.

Naibu Waziri ametoa ushauri huo wakati akizungumza na Msaidizi wa Mawasiliano wa Utafiti katika Taasisi ya Kimataifa ya Kilimo ukanda wa Kitropiki (IITA) nchini Tanzania Bi Eveline Massam mara baada ya kutembelea Banda hilo wakati wa Maonesho ya 36 ya siku ya Chakula Duniani ambayo Kitaifa yanafanyika Katika Uwanja wa CCM Kalangalala Mjini Geita kuanzi Octoba 10 mpaka Octoba 16.

Dkt Mwanjelwa alisema kuwa wakulima wengi nchini wanalima pasina kufahamu taratibu za kilimo cha kisasa jambo ambalo linapelekea mazao yao kuathiriwa na wadudu husani Sumu Kuvu na kupelekea uduni wa mavuno.

Alisema kuwa endapo Taasisi hiyo ya (IITA) itaongeza nguvu ya utoaji elimu kwa wakulima kwa kushirikiana na wataalamu wa Wizara ya kilimo, wananchi watanufaika na kilimo chao ikiwa ni pamoja na kuwa na mavuno mengi.

Alisema Sumu Kuvu inahatarisha afya za watumiaji wa mazao mbalimbali ya chakula na biashara, kwani chakula na malisho ya mifugo iliyo athiriwa na sumu kuvu hupunguza uzalishaji huku mazao yenye kiwango kikubwa cha Sumu Kuvu zaidi ya kiwango kinachoruhusiwa kutekelezwa au yanauzwa kwa bei ya chini.

Aidha, zipo athari za moja kwa moja kwani endapo binadamu au mnyama atakula chakula chenye malisho yenye kiwango kikubwa cha Sumu Kuvu anaweza kupoteza maisha.

Kwa upande wake Msaidizi wa Mawasiliano wa Utafiti katika Taasisi ya Kimataifa ya Kilimo ukanda wa Kitropiki (IITA) nchini Tanzania Bi Eveline Massam alisema kuwa Sumu Kuvu huzalishwa wakati fangasi aina ya Aspergillus anaposhambulia mbegu shambani/ghalani.

Aliongeza kuwa Ukuaji wa fangasi na athari za sumu kuvu husababishwa na mabadiliko ya hali ya hewa (Ukame wa ongezeko la joto), Mbinu duni za kilimo kabla na baada ya kuvuna mazao kwa mfano; ukaushaji hafifu wa mazao punde yanapovunwa, na uhifadhi duni wa mazao ghalani na wadudu waharibifu.

Sumu Kuvu ni aina za kemikali za sumu zinazozalishwa na aina ya Ukungu au Fangasi wanaoota kwenye mbegu za nafaka kama vile mahindi, mbegu za mafuta kama karanga, jamii ya kunde na pia mazao ya mizizi. Pia sumu Kuvu hupatikana katika bidhaa za mifugo kama vile maziwa, mayai na nyama pale ambapo chakula kinacholiwa na mifugo kitakuwa kimechafuliwa na sumu hizo.

Sambamba na hayo pia Naibu waziri wa Kilimo  Mhe Dkt Mary Mwanjelwa alitembelea Banda la Benki ya Maendeleo ya kilimo, Banda la Halmashauri ya Wilaya ya Mbogwe, Banda la Halmashauri ya Wilaya ya Bukombe na Banda la Mamlaka ya chakula na dawa (TFDA).


Maadhimisho ya Siku ya Chakula Duniani hufanyika kila mwaka kuanzia Octoba 10 mpaka Octoba 16 ambapo kwa mara kwanza  yalianza mwaka 1981. Hivyo maadhimisho ya mwaka huu ni ya 36 na yanasherehekewa kwa pamoja na maadhimisho ya  miaka 72 ya kuanzishwa kwa FAO tarehe 16 Oktoba, 1945.



MWISHO.
KAWAIDA